ЭЪЛОНИ OЗМУН ОИДИ ДАРЁФТ НАМУДАНИ ТРЕНЕР – (маводҳои омӯзишӣ) – Тайёр намудани биогумус

ЭЪЛОНИ OЗМУН ОИДИ ДАРЁФТ НАМУДАНИ ТРЕНЕР.

Ташкилоти ҷамъиятии “Барномаи Ҷонибдории Инкишофи Иҷтимоии Манотиқи Кӯҳистон” (БҶИИМК), ҳамчун лоиҳаи Фонди Тоҷикистонии Оғохон фаъолояти худро дар Ҷумҳурии Тоҷикистон аз соли 1993 оғоз намуд.  Ҳоло, БҶИИМК дар ВМКБ, вилояти Хатлон, вилояти Суғд ва ноҳияҳои водии Рашт фаъолиятҳои рушди деҳотро пеш бурда истодааст. БҶИИМК бо шарикони давлатӣ ва ғайридавлатӣ ҳамкории зич дошта, барои беҳтар намудани сифати зиндагӣ дар манотиқи деҳоти Тоҷикистон тавассути равнақ додани а) идоракунии самараноки муштарак, б) истеҳсолоти устувори кишоварзӣ ва мутобиқшавӣ ба тағйирёбии иқлим, в) хизматрасониҳои беҳтаршуда ва густаришёфтаи ҷамъиятӣ ва хусусӣ барои рушди иҷтимоӣ-иқтисодӣ, саҳмгузорӣ намуда истодааст. 

МАЪЛУМОТ ОИДИ ЛОИҲА

Бунёди Оғохони Тоҷикистон ва шарикони амалисоз, аз қабили Барномаи Ҷонибдории Инкишофи Иҷтимоии Манотиқи Кӯҳистон (БҶИИМК), дар доираи барномаи Таъсири Маҳалли лоиҳаи дусола – Беҳтар намудани амнияти озуқаворӣ, устувории иқтисодӣ ва иқлимии ҷамоатҳо дар манотиқи куҳии вилояти Хатлон тарҳрезӣ карданд, ки ноҳияҳои Ш. Шоҳин, Муминобод фаро мегирад. Ҳадафи умумии лоиҳа ин баланд бардоштани сифати зиндагӣ, амнияти озуқаворӣ ва ғизо тавассути пурқувват гардонидани идоракунии устувори захираҳои табиӣ дар манотиқи куҳии вилояти Хатлон мебошад. Барномаи мазкур як қисми Таъсири Маҳаллӣ (Local Impact (LI)) мебошад, ки ҳамчун ташаббуси муштарак аз ҷониби Бунёди Оғохон ва Агентии ИМА оид ба рушди байналмилалӣ (USAID) ҳамчун чаҳорчӯбаи инноватсионии таъсири пурмазмун ва устувор дар саросари Осиё ва Африқо таъсис дода шудааст, ки ҷамоатҳои маҳаллиро дар маркази рушд қарор медиҳад. Тавассути Таъсири маҳаллӣ, Бунёди Оғохон ва Агентии ИМА оид ба рушди байналмилалӣ (USAID) бо ҷамоатҳои дар канор монда ва осебпазир кор хоҳанд кард.

ҲАДАФИ УМУМӢ

Барои амалисозии зерфаъолиятҳои лоиҳа, БҶИИМК тасмим гирифтаст, ки шарики техники барои амали намудани зерфаъолиятҳои лоиҳа дар нисбати расондани хизматрасонии тахассуси пайдо намояд. Зерфаъолиятҳои лоиҳа дар вилояти Хатлон ноҳияҳои Ш.Шоҳин ва Муминобод амали мешаванд.

Номи лоиҳа: “Беҳтар намудани амнияти озуқаворӣ, эҷодӣ фазо ва устувории иқтисодии кишоварзӣ дар минтақаҳои куҳии дорои камчинии ғизоӣ дар вилояти Хатлон”.

Мавзуъи лоиҳа: Бунёди ҳамкориҳо оид тайёр намудани дастурҳои омузиши, маводи аён ва гузаронидани  омузиши амали дар мавзуъи “Тайёр намудани биогумус бо истифода аз технологияи вермикомпост барои баланд бардоштани маҳсулоти кишоврази (истеҳсоли гандум ва картошка), дар шароити тағирёбии иқлим”.

Мақсад лоиҳа: Мусоидат барои баланд бардоштани дониши мутахассисони соҳаи зироаткори ва деҳқонони зироаткор дар доираи мавзуъи лоиҳа.

Дар зери роҳнамоии Менечери лоиҳа, Менеҷери минтақави ва мутахассиси соҳаи кишоварзии лоиҳа дар сатҳи БҶИИМК, шарики техники зерфаъолиятҳои лоиҳаро ҷиҳати ба даст овардани натиҷаҳои пешбинишудаи самарабахш ва самараноки тавассути таҳияи Шартномаи тарафайн амалӣ хоҳад кард.

УҲДАДОРИҲОИ ОМУЗГОР/ТРЕНЕР:

1. Доштани қобилияти тайер намудани дастурҳои омузиши, гузарондани омузиши амали дар мавзуъи лоиҳа.
2. Пешниҳод намудани нақшаи фаъолиятҳои омузиш мутобиқи сметаи мувофиқатшуда ва дар муҳлатҳои муайяншуда иҷрои фаъолиятҳо;
3. Тарроҳи намудани маводҳо ва модулҳои омузиши мутобиқ ба мавзуи лоиҳа.
4. Пешниҳод ва ё ба қадри имконият дастрас намудани навъи кирмҳои махсус барои истеҳсоли биогумус.
5. Гузарондани омузиши амали барои иштироккунандагон аз шуъбаҳои кишоварзи, марказҳои таъминоти бехатарии озуқавори ноҳияҳои зерҳадафи лоиҳа, барои машваратчиени деҳа, деҳқонон ва дигар шарикони барнома аз руи мавзуъҳои лоиҳа.
6. Пешниҳод намудани ҳисоботҳои хатти оиди омузиш баъди амали намудани он.
7. Риоя намудани талаботҳои бехатарӣ ҳангоми татбиқи лоиҳа.

УҲДАДОРИҲОИ БҶИИМК:

1. Расонидани мазмун ва ҳадафи лоиҳа барои шарики ғолиб оиди тадбиқи мақсадноки лоиҳа.
2. Пардохт намудани ҳаққи хизматрасони мутобиқ ба буҷаи пешниҳодгардида ва тасдиқшуда дар мавзуи лоиҳа мутаноссибан аз руи ҷадвал бо руихат аз руи хаҷми кории тасдиқгардида;
3. Назорат намудани истифодабарии мақсадноки буҷа дар тамоми давраҳои иҷрои лоиҳа.
4. Расондани кумакҳои техникӣ ва ташкил намудани омузишҳо, маводи омузиши, дастрас намудани маводҳои конселяри, таъмини ғизо ва ҷои хоб барои иштироккунандагони омузишҳо.

Барномаи ҷонибдории инкишофи иҷтимои манотиқи кӯҳистон (БҶИИМК), лоиҳаи Фонди Тоҷикистонии Оғохон  дар чаҳорчӯбаи  лоиҳаи ” Фонди суръатбахшӣ: Беҳтар намудани амнияти озуқаворӣ, эҷоди фазо ва устувории иқтисодии кишоварзӣ дар минтақаҳои кӯҳии дорои камчинии ғизоӣ дар ВМКБ ва Хатлон”  корхонаю ташкилот ва мушовирони инфиродиро  барои иштирок дар озмуни  кушод  оид ба дарёфти тренер барои таҳия намудани маводҳои омӯзишӣ ва гузаронидани омӯзишҳои амали дар ФГМК (Фонди Гардишии Маводи Кишоварзи) дар вилояти  Хатлон, аз рӯи мавзӯъи зерин даъват менамояд:

Талаботҳо нисбати омӯзгор/тренер:

• Маълумоти олӣ дар самти илмҳои кишоварзӣ, агрономия.  Доштани унвони илмӣ афзалият хоҳад дошт;
• Малака ва таҷрибаи хуб дар самти коркарду таҳияи мавод (дастурҳо, роҳнамо, модулҳо)-и омӯзиши амали;
• Ҳадди аққал 5 сол таҷрибаи корӣ дар соҳаи кишоварзи, гузаронидани омӯзишҳои амалӣ;
• Олӣ донистани забони тоҷикӣ, доштани малакаи аълои навиштан, хондан ва гап задан бо забони давлатӣ ҳатмӣ мебошад.
• Маҳорати таҳияи дастур-модул барои гузаронидани омузиши амали барои истеҳсоли биогумус бо технологияи вермикомпост.
• Маҳорати пешниҳод намудани ҳисоботи хатти оиди фаъолиятҳои иҷрошуда

Дар   пешниҳодоти тиҷоратӣ  мавҷудияти  маълумотҳои зерин ҳатмӣ мебошад:

• Мактуби таваҷҷӯҳӣ;
• Пешниҳодоти тиҷоратӣ бо нишон додани маблағи хароҷотҳо барои гузаронидани омӯзиш ва таҳияи воситаҳо ва усулҳои такомули маҳоратҳо дар алоҳидагӣ барои ҳар як мавзӯъ;
• Маълумот дар бораи шартҳо ва шакли пардохт;
• Мӯҳлати иҷрои хизматрасонии  дархостшуда;
• Шаҳодатномаи муассиса/ташкилоти довталаб ё ҳуҷҷатҳои шахси инфиродӣ;
• Ҳолномаи (CV) – и мутахассисони инфиродӣ/тренерон;
• Ҳуҷҷатҳои иловагӣ (сертификати гузаронидани омӯзишҳо, дипломи маълумоти олӣ).

Барои дарёфт намудани маълумотӣ иловагӣ дар бобати мавзъӯҳо ва шартҳои озмун метавонед ба роҳбари лоиҳа Назарбеков Аслишо, телефон: 93 582 72 68; е-mail: aslisho.nazarbekov@akdn.org  муроҷиат намоед.

Ҳар як довталаб метавонад пешниҳодоти тиҷоратии худро  дар лифофаҳои коғазини  маҳкам (мӯҳр) кардашуда то санаи муқарраргардида ба дафтари кории БҶИИМК дар ш. Душанбе бо суроғаи хиёбони Рӯдакӣ 137, бинои Тоҷикматлубот ошёнаи 4  пешкаш намоянд ва ё пешниҳоди тиҷоратии худро дар шакли электронӣ ва ҳатман бо рамз ҳифзшуда ба почтаи электронии boqir.sabzaliev@akdn.org ирсол намоянд.

Мӯҳлати охирини пешниҳоди ҳуҷҷатҳо соати 17:00 санаи 29-уми март соли 2023 мебошад. Дархостҳое, ки аз мӯҳлати муқарраршуда дертар пешниҳод карда мешаванд, ба инобат гирифта намешаванд.

Диққат!   Иштирокчиёни озмун соати 14:00 санаи 30 -уми марти соли 2023 ба дафтарҳои кории БҶИИИМК  ба суроғаи дар болозикршуда барои иштирок дар раванди кушодани  лифофаҳо бо пешниҳодоти тиҷоратӣ,  даъват карда мешаванд.

Фонди Оғохон барои  иштирок дар тендер аз  ширкатҳое, ки аз ҷониби занон таъсис ёфтаанд ё роҳбарӣ карда мешаванд, истиқбол мекунад.

Ташкилот-Фармоишгар  ҳуқуқи  қабул кардани дилхоҳ пешниҳодоти ба озмун воридшуда  ё рад кардани ҳамаи пешниҳодҳоро дар дилхоҳ вақт то бастани шартнома дорад ва барои ин иқдоми худ  дар назди Иштирокчиёни тендер  ягон ҷавобгариро ба ӯҳда намегирад. Ташкилот-Фармоишгар инчунин  ҷиҳати пешниҳоди маълумот  ба онҳо  дар бораи сабабу асосҳои амалҳо ва  қарори қабул кардааш низ  ӯҳдадор нест.